Bugun.tv– xəbər verir ki, Birləşmiş Millətlər Təşkilatının Ümumdünya Ərzaq Proqramı (WFP) Efiopiyaya göndərilən ərzaq mallarının oğurlanmasından sonra yardımı dayandırdığını açıqlayıb.
Buna səbəb kimi, ABŞ Beynəlxalq İnkişaf Agentliyi (USAİD) çərşənbə günü dərc etdiyi hesabatda milyonlarla insanın ehtiyacı olan Tiqraya göndərdiyi BMT yardımının oğurlanaraq bazarlarda satıldığı göstərilib.
USAİD-in dərc etdiyi hesabatla bağlı məlumatı paylaşmayan ÜƏP bəyan edib ki, bu cür qeyri-qanuni fəaliyyətlərə nəzarət edilir.
Ümumdünya Ərzaq Proqramı bildirdi ki, ərzaq tədarükü Tigraya təhlükəsiz şəkildə çatana qədər yardım edilməyəcək.
“Yardımı dayandırmaq qərarı insanlara daha çox zərər verəcək” – deyən Tiqray vilayətinin müvəqqəti administrasiyasının rəhbəri Getachew Reda humanitar təşkilatları yardımı dayandırmaq qərarına yenidən baxmağa çağırıb.
Mənbə: TRT