Bugun.tv xəbər verir ki, Britaniya kral ailəsinin rəsmi saytı kiberhücumun hədəfinə çevrilib. Təxminən saat yarım ərzində kiberhücum səbəbindən daxil ola bilməyən səhifə günorta saatlarında yenidən istifadəyə verilib. Hücumda kimin məsuliyyət daşıdığının bilinmədiyini bildirən mənbə bunun haker hücumu olmadığını və internet saytının sistemlərinə və ya məzmununa girişin mümkün olmadığını bildirib. Rusiyanın “Killnet” haker qrupu kral ailəsinin saytına DDoS (Distributed Denial of Service) hücumuna görə məsuliyyəti öz üzərinə götürüb. Aprelin 19-da Böyük Britaniya Baş nazirinin müavini Oliver Dowden verdiyi açıqlamada Rusiyaya bağlı haker qruplarının Böyük Britaniyadakı bizneslərə qarşı kiberhücum planları barədə xəbərdarlıq edib.
Müxbir: Şəms Elnurqızı