Böyük Britaniyanın Xarici İşlər Naziri Stiven Douti Çaqos adalarının suverenliyinin Mavrikiyə verilməsi ilə bağlı müqavilənin artıq “siyasi səviyyədə razılaşdırılması mümkün olmadığını” bildirib.
Douti İcmalar Palatasında çıxışı zamanı qeyd edib ki, ABŞ-ın dəstəyi geri çəkildikdən sonra sözügedən qanun layihəsinin parlamentdən keçməsi real görünmür.
Onun sözlərinə görə, müqavilə əvvəlcə ABŞ-la sıx koordinasiya şəraitində hazırlanıb, lakin Donald Trampın mövqeyində dəyişiklik olduğu bildirilir.
Nazir əlavə edib ki, ABŞ-ın dəstəyi olmadan Böyük Britaniya Hind okeanındakı hərbi-strateji əhəmiyyətə malik Dieqo Qarsiya bazasının hüquqi statusunu təmin edən 1966-cı il razılaşmasının yenilənməsi mümkün deyil.
Plan çərçivəsində Çaqos adalarının suverenliyinin Mavrikiyə verilməsi, Dieqo Qarsiya bazasının isə 99 illik icarə əsasında ABŞ-Böyük Britaniya nəzarətində qalması nəzərdə tutulurdu.
Douti vurğulayıb ki, qanun layihəsi bu parlament sessiyasında qəbul oluna bilməyəcək və siyasi proses dayandırılıb.
O, həmçinin qeyd edib ki, hökumət gələcəkdə hərbi bazanın fəaliyyətinin davamlılığını təmin etmək üçün alternativ yolları nəzərdən keçirməyə davam edir.
Mənbə: The Guardian