Bugun.tv xəbər verir ki, ölkədə od çərşənbəsi qeyd olunur. Artıq 3-cü ildir ki, bu bayram mərasimləri Qarabağımızda da keçirilir. El-obasına dönən sakinlər sevinc içində, adət-ənənələrimizə uyğun olaraq baharın gəlişini qarşılayır.
Od çərşənbəsinin mahiyyətində odun müqəddəsliyi, onun insanı hər cür pisliklərdən, şərdən təmizləyəcəyi, xeyrin qələbə çalacağı ifadə olunur. Ənənəmizə görə, bu gün hər kəs tonqal qalayıb, alovun üzərindən tullanmaqla daxillərində olan bütün azar-bezarı yandırırlar.
Bugun.tv olaraq hər kəsi od çərşənbəsi münasibəti ilə ürəkdən təbrik edirik.
Müxbir: İntizar Əmirova