Bu gün Bu Gün Media Qurumunun yaranmasının 4 ili tamam olur.
Qurum fəaliyyətə başladığı gündən etibarən media sahəsində özünəməxsus xətti ilə seçilərək informasiya məkanında öz yerini formalaşdırmağı bacarıb. Operativlik, obyektivlik və müasir yanaşma prinsiplərini əsas tutan “Bu Gün Media Qurumu” qısa müddətdə geniş auditoriyanın diqqətini cəlb edib.
Ötən 4 il ərzində həyata keçirilən layihələr, aktual mövzulara toxunan reportajlar, ictimai əhəmiyyətli məsələlərin işıqlandırılması və maarifləndirici materialların hazırlanması qurumun fəaliyyətində xüsusi yer tutub. Eyni zamanda müxtəlif tədbirlərin təşkili və media dəstəyi də diqqətçəkən istiqamətlərdən olub.
Bu əlamətdar gün münasibətilə media ictimaiyyəti və tərəfdaşlar “Bu Gün Media Qurumu”nu təbrik edir, ona gələcək fəaliyyətində daha böyük uğurlar arzulayırlar.
Qeyd edək ki, qurum qarşıdakı illərdə də fəaliyyətini genişləndirərək yeni layihələr, innovativ yanaşmalar və daha zəngin kontentlə çıxış etməyi hədəfləyir.
