“Bu gün əsas diqqət Qarabağa deyil, Sünik bölgəsinə yönəlib. Sünikin itirilməsi həm Ermənistan, həm də İran üçün geosiyasi risklər yaradacaq”.
Bugun.tv xəbər verir ki, bu sözləri iranlı ekspert deyib.
İranın “Müasir Dünya” Araşdırmaları İnstitutunun direktoru Şüeyb Bəhmən “Qafqazda geosiyasi balans” adlı və İranla Ermənistan bayraqlarının qoyulduğu seminardakı çıxışında qərəzli fikirlər səsləndirib: “2020-ci il Qarabağ müharibəsi erməni-azəri münaqişəsindən daha böyük bir qarşıdurma idi”.
“2020-ci il Qarabağ müharibəsində iştirak edən aktorlar – İsrail, Türkiyə və təkfirçilərdən tutmuş pərdə arxasında isə ingilislər, amerikalılar və NATO-ya qədər- bütün bunlar göstərdi ki, daha böyük hadisələr baş verməkdədir və biz bu müharibəyə kiçik müharibə kimi baxmamalıyıq”,-deyə, anti-Azərbaycan eksperti əlavə edib.
Onun sözlərinə görə, aktyorların plan dəyişikliyi ilə Qarabağ məsələsi ikinci plana keçib və əsas hədəf Ermənistanın cənubuna yönəlib…