“Xüsusi hərbi əməliyyat davam edir. Bu vəziyyətdə sülhə keçid üçün heç bir ilkin şərt yoxdur. Buna görə də Rusiya xüsusi əməliyyatı davam etdirməklə öz vəzifə və məqsədlərinə nail olur”.
Bugun.tv xəbər verir ki, bunu Kremlin sözçüsü Dmitri Peskov jurnalistlərə bildirib.
O, həmçinin qeyd edib ki, Çin böyük və qüdrətli ölkədir. Qlobal gündəmdə duran problemlərə öz sözünü deməyə bilməz.
“Biz Pekindəki həmkarlarımızın irəli sürdükləri təkliflərə çox diqqətlə yanaşırıq”, – Kremlin sözçüsü bildirib.
Vladimir Putin və Çin lideri Si Cinpin arasındakı danışıqlarla bağlı suala isə belə cavab verib.
“İki lider müxtəlif səviyyələrdə ünsiyyəti davam etdirir və etibarlı dialoqdan çox məmnundurlar”.
Mənbə:TASS