Bugun.tv xəbər verir ki, bu gün görkəmli oftalmoloq Zərifə Əziz qızı Əliyeva anadan olub.
O 1923-cü il aprelin 28-də Azərbaycan Respublikasının Naxçıvan Muxtar Respublikası Şərur rayonunun Şahtaxtı kəndində anadan olub.
Zərifə xanım 1942-ci ildə Azərbaycan Dövlət Tibb İnstitutunun müalicə-profilaktika fakültəsinə daxil olmuş, 1947-ci ildə oranı bitirmişdir. Sonra o, Moskvada Mərkəzi Tibb Təhsili İnstitutunda oftalmologiya üzrə ixtisas kursunu bitirib.
1977-ci ildə tibb elmləri doktoru elmi dərəcəsinə layiq görülüb.
1981-ci ildə görmə orqanının peşə patologiyası sahəsində elmi tədqiqatlar silsiləsi üçün, Professor Zərifə Əliyeva oftalmologiya sahəsində ən yüksək – SSRİ Tibb Elmləri Akademiyasının Akademik M.İ. Averbax mükafatına layiq görülüb. O, bu mükafatı alan ilk qadın alim olub.
Zərifə xanım Azərbaycan xalqının ulu öndəri Heydər Əliyevin həyat yoldaşı olub, Prezident İlham Əliyevin anasıdır.
