Azərbaycanın ictimai, siyasi, mədəni, xüsusilə sosial həyatında baş verən hadisələri izləyiciyə operativ, qərəzsiz və vətəndaş-dövlət maraqları qorunaraq çatdırmağı qarşısına məqsəd qoyan . “Bugün tv Media Qurumu”u 2 yaşını qeyd edib.
Bu barədə televiziyanın rəhbəri, Əməkdar jurnalist Elnarə Dərziyeva məlumat verib. Onun sözlərinə görə, Bugun.tv Media Tədris Mərkəzinin tələbələrinin dəstəyi ilə ərsəyə gəlib və fəliyyətini uğurla davam etdirir. “Dünyada baş verən maraqlı informasiyaları, xüsusilə Azərbaycanın bir dövlət, azərbaycanlıların bir vətəndaş olaraq maddi və mənəvi maraqlarına xidmət edən xəbərlərin izləyicilərə çatdırılması əsas qayələrimizdən biridir. Bundan başqa, saytımızda müxtəlif sahələrdən bəhs edən müsahibələr, təhlillər, reportajlar, müəllif yazıları işıqlandırılır. İnternet resursumuzda kontaklarımız vasitəsilə sizlərdən bizə göndərilən bütün xəbər xarakterli videolar, şikayətlər “Media haqqında” Qanun və Azərbaycan Respublikası Konstitusiyasının tələblərinə uyğun olaraq yayımlanır. Media subyektimiz siyasi və sosial qrupların heç birinə qarşı ayrı-seçkilik etmir, tam obyektiv və müstəqil olaraq xəbər yayır”, – E.Dərziyeva bildirib.
Onu da deyək ki, Bugun.tv ötən il Media Agentliyində qeydiyyatdan keçib. Həm informasiya agentliyi, həm də İnternet televiziyası kimi fəaliyyət göstərir. Qurumun rəhbəri yaxın zamanlarda çox maraqlı televiziya layihələri ilə gündəm olacaqlarını da xüsusi vurğulayıb.
Odur ki, bizi izləməkdə davam edin.