Milli Məclisin deputatı Ceyhun Məmmədov Yel çərşənbəsi münasibətilə vətəndaşları təbrik edib. Deputat bununla bağlı fikirlərini öz sosial media hesabında paylaşıb.
Deputat bildirib ki, bu gün Novruz bayramının müjdəçisi sayılan Yel çərşənbəsi qeyd olunur. Onun sözlərinə görə, xalq inanclarına əsasən, Yel çərşənbəsi təbiətin oyanışını, havanın dəyişməsini və baharın gəlişini xəbər verir.
Ceyhun Məmmədov qeyd edib ki, bu gün yenilənmənin, ümidin və həyatın canlanmasının rəmzi kimi xüsusi məna daşıyır.
Deputat paylaşımında vətəndaşlara müraciət edərək bildirib: “Yel çərşənbəsi münasibətilə hər birinizi səmimi-qəlbdən təbrik edir, ailələrinizə firavanlıq, süfrələrinizə bol ruzi-bərəkət arzulayıram”.