Bugun.tv Sinxua agentliyinə istinadla xəbər verir ki, müvafiq qərarı Çin Xalq Respublikası Dövlət Şurasının Baş naziri Li Tsyan imzalayıb. Sənədə əsasən, Çinin viza sisteminə gənc elmi-texniki mütəxəssislər üçün “K” viza kateqoriyası əlavə olunacaq. Yenilik “Xarici vətəndaşların ölkəyə giriş-çıxışının idarə edilməsi haqqında” Əsasnaməyə edilən dəyişikliklərin tərkib hissəsidir. “K” vizasını əldə etmək istəyənlər Çinin səlahiyyətli şöbələri tərəfindən müəyyən olunmuş ixtisas tələblərinə cavab verməli və lazımi təsdiqedici sənədləri təqdim etməlidirlər. Qərar 2025-ci il oktyabrın 1-dən qüvvəyə minir.
- Şərhlər
- Facebook şərhləri