Bugun.tv xəbər verir ki, Çin Braziliyadan idxal olunan mal ətinə əlavə 55 faizlik gömrük rüsumunun tətbiqinə başlayıb.
Reuters-in məlumatına görə, qərar Braziliyanın Çinə illik mal əti ixracı üzrə 1,1 milyon metrik ton həcmində müəyyən edilmiş kvotanı doldurmasından sonra qüvvəyə minib. Yeni rüsum oktyabrın 1-dən etibarən kvotanı aşan tədarüklərə tətbiq olunur.
Çinin yanvar ayında açıqladığı qaydalara əsasən, əlavə rüsum ölkənin yerli maldarlıq sektorunu qorumaq məqsədi daşıyır. Braziliya üçün əlavə 55 faizlik rüsum mövcud 12 faizlik standart idxal rüsumuna əlavə olunur. Beləliklə, kvotadan artıq Braziliya mal ətinə tətbiq edilən ümumi rüsum 68 faizə çatır.
Braziliya dünyanın ən böyük mal əti ixracatçısı hesab olunur və Çin bu ölkənin əsas alıcılarından biridir.
Reuters yazır ki, Braziliya daha əvvəl Uruqvayın istifadə olunmamış ixrac kvotasından yararlanmağa çalışıb. Lakin Çin tərəfinin bu təkliflə razılaşıb-razılaşmayacağı məlum deyil.
Hazırda diqqət 2027-ci il üçün Çinin mal əti kvota sistemini yeniləyib-yeniləməyəcəyinə yönəlib.
Mənbə: Reuters