Bugun.tv xəbər verir ki, Çin hidrogenlə işləyən ilk sərnişin qatarını uğurla sınaqdan keçirib. Bu nəqliyyat vasitəsi yanacaq hüceyrəsindəki hidrogen və oksigen arasındakı kimyəvi reaksiya nəticəsində elektrik enerjisi istehsal edir. Nəticədə qatar elektrik mühərriki vasitəsilə hərəkət keçir. Bu nəqliyyat vasitəsi çox sakit, ekoloji cəhətdən isə təmizdir. Ən böyük üstünlüklərindən biri hidrogen yanacaq elementlərinin su buxarından başqa heç bir zərərli emissiya yaratmamasıdır.
Qatar 1000 km məsafəsi və saatda 160 km maksimal sürətlə gedir. İstifadə olunan hidrogen sistemi güclü və uzunmüddətli enerji mənbəyi təklif edir. Sınaq məlumatları hər kilometrə cəmi 5 kilovat-saat orta enerji sərfiyyatını göstərir. Qeyd edək ki, o artıq ekstremal temperaturlarda performans, vibrasiyaya davamlılıq, elektromaqnit uyğunluğu və yanğın təhlükəsizliyi baxımından sınaqlardan uğurla keçib.