30 C
Baku
19 İyul 2024, 13:24
Dünya

Çinin sahil mühafizə gəmiləri Yaponiyanın ərazi sularını pozub

Çinin sahil mühafizə gəmilərinin Şərqi Çin dənizindəki mübahisəli Senkaku arxipelaqı ətrafındakı Yaponiyanın milli ərazi sularını pozduğu açıqlanıb.

Yaponiyanın Okinava əyalətinin Naha rayonunda yerləşən 11-ci Region Sahil Mühafizəsi Qərargahından verilən açıqlamaya görə, Çinin 3 sahil mühafizə gəmisi Yaponiya ərazi sularına daxil olub.

Yaponiya Sahil Mühafizəsi arxipelaqın Tayşo və Minamikojima bölgələrinə daxil olan və oradakı Yapon balıqçı gəmilərinə yaxınlaşan Çin gəmilərinə xəbərdarlıq edib.

Xəbərdarlıq və qabaqlayıcı tədbirlərdən sonra Çin gəmiləri bölgəni tərk edib. Bildirilib ki, sözügedən pozuntu bu il eyni arxipelaq ətrafında 21-ci dəfə baş verib.

Yaponiyanın “Senkaku” və Çinin “Diaoyu” adlandırdığı arxipelaq Şərqi Çin dənizində, Çinin şərq sahillərində və Yaponiyanın cənub-qərb sahillərində yerləşir.

5 ada və 3 qayadan ibarət olan, Yaponiyaya məxsus olan və Çinin iddia etdiyi kimsəsiz bölgə uzun müddətdir ki, suverenlik mübahisələrinə səbəb olur.

Mənbə: EnSonHaber

Oxşar xəbərlər

Dünyanın ən böyük üzən dəniz RES-i istifadəyə verildi

Teymur Əziz

Baş nazirə hücum edən şəxs psixiatrik müayinəyə göndərildi

Aynur Camal

Prezidentin evinə basqın edildi

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu