Bugun.tv xəbər verir ki, Türkiyənin Antalya şəhərində keçirilən BMT-nin COP31 iqlim konfransında gələcək sazişin 18 səhifəlik ilkin layihəsi təqdim olunub. Sənəd ölkələr arasında iqlim siyasətinin əsas məsələləri üzrə fikir ayrılıqlarını üzə çıxarıb.
“Reuters” agentliyinin noyabrın 16-da yaydığı məlumata görə, müzakirələrin əsas mövzularından biri fosil yanacaqlardan – neft, qaz və kömürdən istifadənin azaldılması və mərhələli şəkildə dayandırılmasıdır.
Layihədə 2023-cü ildə qəbul edilmiş fosil yanacaqlardan uzaqlaşmaq ifadəsi ilə yanaşı, onların mərhələli şəkildə tam dayandırılmasını nəzərdə tutan daha sərt yanaşma da yer alıb. Lakin hansı variantın yekun sənədə daxil ediləcəyi hələ məlum deyil.
Müzakirələrdə Türkiyənin irəli sürdüyü digər təklif də diqqət çəkib. Bu təklifə əsasən, elektrik enerjisinin qlobal enerji istehlakındakı payının 2035-ci ilədək 35 faizə çatdırılması nəzərdə tutulur.
İnkişaf etmiş ölkələrin iqlim dəyişikliyinə uyğunlaşmaqda çətinlik çəkən yoxsul dövlətlərə maliyyə dəstəyinin artırılması da müzakirə olunan məsələlər arasındadır.
Danışıqların noyabrın 20-dək davam etməsi gözlənilir.
Mənbə: Reuters
