25 C
Baku
21 İyul 2024, 5:53
Dünya

Dənizdə 80 kilometr sürüklənən qadın 36 saat sonra qurtarıldı

Yaponiyada üzdüyü çimərlikdən 80 kilometr uzağa sürüklənən çinli qadın 36 saat sonra Tokionun şərqində xilas edilib.

NHK dövlət televiziyasının xəbərinə görə, Şizuoka əyalətinin Şimoda şəhərindəki “Şirahama Ohama” çimərliyində rəfiqəsi ilə çimən çinli qadın yoxa çıxıb.

Xəbərin ardından bölgəyə sövq edilən sahil mühafizə qrupları 36 saat ərzində çinli qadını helikopterin köməyi ilə axtarıblar.

Qadın Çiba əyalətindəki Boso yarımadası yaxınlığında, bölgədə üzən nəqliyyat gəmisinin ekipajı tərəfindən aşkar edilən radio siqnalı vasitəsilə aşkar edilib.

Üzgüçülük zolağında tapılan və sahil mühafizə helikopteri tərəfindən xilas edilən qadının huşunun yerində olduğu və uzun müddət susuz qaldığı bildirilib.

Helikopterlə dənizdən çıxarılan qadın təcili yardımların ilkin yardımından sonra sahilyanı Yokohama şəhərində xəstəxanaya yerləşdirilib.

21 yaşlı çinli qadın səlahiyyətlilərə bildirib ki, üzməyə başladıqdan təxminən 30 dəqiqə sonra drift etdiyini anlayıb və sahilə qayıda bilməyib.

Qadının dənizə girdiyi “Şirahama Ohama” çimərliyindən 80 kilometr uzaqlıqdakı Tokionun şərqindəki Boso yarımadasına sürükləndiyi müəyyən edilib.

Mənbə: TrtHaber

İntizar Əmirova

Oxşar xəbərlər

Türkiyə, Rusiya, Suriya və İran Moskvada görüşəcəklər

Aynur Camal

Balıqçı gəmisi okeanda batdı

Aynur Camal

Fransanın küçələri qarışdı

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu