Milli Məclisin deputatı Sevinc Hüseynova seçiciləri ilə növbəti qəbul keçirib.
Bugun.tv xəbər verir ki, deputat görüşü Gədəbəy rayonunun İnəkboğan kəndində keçirdib.
Görüş zamanı seçicilər dağ kəndlərində yaşayan vətəndaşlara göstərilən yüksək diqqət və qayğıya, həmçinin Kiçik Qaramurad‒Cəfərli‒Əyrivəng‒Alnabat‒Kərimli‒İnəkboğan avtomobil yolunun əsaslı təmirinə görə ölkə başçısı cənab İlham Əliyevə minnətdarlıqlarını bildiriblər.
Vətəndaşlar tərəfindən edilən müraciətlər, əsasən, sosial, kənd təsərrüfatı (örüş, yay otlaq sahələrinin, mal-qara düşərgələrinin, köç yollarının istifadəsi), ekologiya və təbii sərvətlər, o cümlədən digər məsələlərlə bağlı olmuşdur.
Qəbulda YAP Gədəbəy rayon təşkilatının sədri Rüstəm Nağıyev də iştirak edib.
