Rusiya Ukraynadakı vəziyyəti tənzimləmək üçün hazırdır. Lakin Ukrayna hakimiyyəti çətin vəziyyətdə olsa belə, barışmaz mövqeyində qalır.
Bugun.tv xəbər verir ki, bu fikri Kremlin sözçüsü Dmitri Peskov bildirib.
“Rusiya tərəfi sülh danışıqları üçün açıq olsa da, bunu ukraynalılar haqqında demək olmaz. Onlar öz barışmaz mövqelərində qalırlar. Onlar olduqca narahat vəziyyətdədirlər, lakin buna baxmayaraq, hər hansı dialoq fürsətindən imtina edirlər”, – Peskov söyləyib.
Sözçü bildirib ki, bu axşam Rusiya prezidenti Ukrayna məsələsi ilə bağlı Afrika ölkələrinin nümayəndələri ilə görüş keçirəcək.
“Rusiya dövlətinin başçısı çıxış edəcək. Bu, Afrika dövlətlərinin nümayəndələrinin Rusiyaya səfəri zamanı baş vermiş əvvəlki görüşün davamı olaraq keçiriləcək”,- Kremlin mətbuat katibi vurğulayıb.
Rusiya prezidentinin sözçüsü qeyd etdiyi kimi, bu gün əvvəllər Sankt-Peterburqda razılaşdırılmış növbəti müzakirə keçiriləcək.
Xatırladaq ki, əvvəlki görüş bu ilin iyununda Sankt-Peterburqda keçirilib.
Mənbə: TASS