İtaliyanın iki klubunun – “Yuventus” və “Milan”ın iştirak etdiyi yoldaşlıq oyunu başa çatıb.
Bugun.tv xəbər verir ki, matç ABŞ-da, Karson şəhərindəki “Dignity Health Sports Park” stadionunda 2:2 hesabı ilə yekunlaşıb.
Bu görüşdə ilk qolu Malik Tşau vurub. O, oyunun 23-cü dəqiqəsində fərqlənib. Ona Teo Hernandes kömək etdi. On dəqiqə sonra braziliyalı müdafiəçi Danilo hesabı bərabərləşdirib. Altı dəqiqə sonra Olivye Jiru “Milan”ı yenidən hesabda önə keçirdi. 48-ci dəqiqədə Daniel Ruqani hesabı bərabərləşdirdi. Ona ötürməni Federiko Kyeza verdi. Bundan sonra yaşıl meydanda daha qol görünmədi.
Xatırladaq ki, “Milan” növbəti yoldaşlıq oyununu avqustun 2-də “Barselona” ilə, “Yuventus” isə “Real”la keçirəcək.