ABŞ Prezidenti Donald Tramp İran rəhbərliyinə müraciət edərək edam cəzasına məhkum edilmiş 8 qadının azad olunmasını istəyib.
Tramp bu çağırışı özünün Truth Social hesabında paylaşıb və bildirib ki, bu addım iki ölkə arasında mümkün danışıqlar üçün müsbət başlanğıc ola bilər.
ABŞ lideri qeyd edib ki, qadınların azad edilməsi qarşılıqsız qalmayacaq və diplomatik münasibətlərdə yeni mərhələnin başlanmasına səbəb ola bilər. O, həmçinin humanitar mövqedən çıxış edərək “onlara zərər verməyin” mesajını da verib.
Hazırda ABŞ ilə İran arasında gərginlik davam edir və yaxın vaxtlarda tərəflər arasında nümayəndələr səviyyəsində danışıqların başlanacağı gözlənilir.
Mənbə: Ensonhaber