Bugun.tv xəbər verir ki, Science jurnalında dərc olun məlumata görə, yer üzündəki su həcminin yüzdə 95-ni təşkil edən 1972 göl araşdırılıb. Bunun üçün göllərdə su itkisini ayrıca ölçmək üçün su modeli yaradılıb.
Washington Post yazır ki, araşdırma nəticəsində məlum olub ki, dünyanın ən böyük göllərinin 53 faizi 1992-2020-ci illər arasında ildə orta hesabla 19-24 giqaton su itirib. Bunun ABŞ-da bir ildə istifadə olunan suyun miqdarına bərabər olduğu vurğulanıb.
Su itkisinin təxminən 36 faizinin iqlim dəyişikliyindən qaynaqlandığı, buxarlanan suyun miqdarının artdığı müəyyən edilib. İtkilərin təxminən yüzdə 20-nin insanların su istehlakından qaynaqlandığı anlaşılıb.
Qeyd edilir ki, su itkilərinin dəqiq monitorinqi aparılır. Buna səbəb olan amillərin müəyyən edilməsinə kömək olacaq araşdırmalar 2 milyarda yaxın insanı əhatə edir.