Bugun.tv xəbər verir ki, Böyük Britaniyada dayanacaqda 1800 il əvvələ aid qədim Roma heykəli aşkar edilib. Bu barədə Yahoo məlumat yayıb.
Stamford şəhəri yaxınlığında dayanacaq yaratmaq üçün işlər aparılıb. Ekskavator sürücüsü Qreq Krouli tikintidə işləyərkən yerdə insan cizgiləri olan mərmər parçası görüb. Maşının çömçəsi ilk dəfə heykəli ortaya çıxaranda Krouli onu adi bir daşla səhv salıb.
Məlum olub ki, mərmər baş qədim Roma büstünün bir hissəsidir. Onun ikinci hissəsi iki həftə sonra yaxınlıqda tapılıb. Mütəxəssislər büstü eramızın 1-2-ci əsrlərinə aid ediblər. Artefaktın Böyük Britaniyada belə bir xüsusi yerə necə düşdüyü dəqiq məlum deyil. Bununla belə, avtomobil parkı Ekseter hersoqlarının iqamətgahı Burghley House yaxınlığında yerləşdiyindən, güman edilir ki, büstü İtaliyaya bir neçə dəfə səfər edən və oradan çoxsaylı artefaktlar gətirən doqquzuncu Ekseter qrafı tərəfindən gətirilə bilərdi.
Eyni zamanda büstün niyə iki yerə bölünərək torpağa basdırıldığı da sirr olaraq qalıb. Mütəxəssislər heykəlin yerdə nə qədər qaldığını müəyyən edə bilməyiblər. Bərpaçılar büstün hissələrini yenidən bir yerə qoyublar. Heykəl indi Burghley House-da nümayiş etdiriləcək.
Mənbə lenta.ru