Bugun.tv xəbər verir ki, Əlcəzairdə Afrika üzrə qanunsuz silahların dövriyyəsinin qarşısının alınmasına həsr olunmuş tədbirdə silah qaçaqmalçılığı ilə terrorizm arasındakı əlaqələr müzakirə olunub.
Əlcəzair Mətbuat Xidmətinin məlumatına əsasən, Aljir şəhərində keçirilən “Africa Amnesty Month” tədbiri çərçivəsində əsas diqqət qanunsuz odlu silahların və digər yüngül silahların dövriyyəsinin qarşısının alınmasına yönəlib.
Tədbirdə çıxış edən mütəxəssislər bildiriblər ki, qanunsuz silahların terror qruplaşmaları və digər cinayətkar şəbəkələrin əlinə keçməsi Afrikanın bir sıra bölgələrində təhlükəsizliyə ciddi təhdid yaradır. Silahların qanunsuz dövriyyəsinin qarşısının alınması üçün dövlətlər arasında əməkdaşlığın gücləndirilməsinin vacibliyi vurğulanıb.
Tədbir Afrika İttifaqının qanunsuz silahların təhvil verilməsi və toplanmasına yönəlmiş təşəbbüsləri çərçivəsində keçirilir. Məqsəd silahlı münaqişələrin, terrorçuluğun və təşkilatlanmış cinayətkarlığın maliyyələşdirilməsində istifadə olunan qanunsuz silah axınının azaldılmasıdır.
Müzakirələrdə həmçinin regional səviyyədə məlumat mübadiləsinin və sərhəd nəzarətinin gücləndirilməsi məsələləri gündəmə gətirilib.
Mənbə: APSnews