Bugun.tv xəbər verir ki, ABŞ-ın Florida ştatından Evklid Kosmik Teleskopu uğurla orbitə buraxılıb. Yerləşdirilməsi təxminən 1 ay çəkəcək teleskopun “qaranlıq enerji” və “qaranlıq maddə” ilə bağlı araşdırmalara töhfə verməsi gözlənilir.
EUCLID, təxminən 1 ay davam edəcək kosmos səyahətindən sonra yerdən 1 milyon 500 min kilometr uzaqlıqda olan James Webb teleskopunun yanında yerləşdiriləcək.
Onun yerləşdiyi yerdən iki milyard qalaktikanı əhatə edən “kainatın ən böyük xəritəsi”nin çəkilməsi planlaşdırılır.
Uzunluğu 4 metr 70 santimetr, eni isə təxminən 3 metr yarım olan EUCLID-in oktyabr ayında dünyaya ilk məlumatlarını göndərməsi gözlənilir.
Mənbə: TRT Haber