FIFA 2026-cı il dünya çempionatının finalında İspaniyanın Argentinaya 1:0 hesabı ilə qalib gəldiyi oyundan sonra baş vermiş insidentlə bağlı intizam araşdırmasına start verib. Qurum hadisəni araşdırmaq üçün İntizam və Etika üzrə xüsusi müstəntiq təyin edib.
Araşdırma final fitindən sonra Argentina və İspaniya futbolçuları, eləcə də məşqçilər korpusu üzvləri arasında yaşanan qarşıdurmanı əhatə edir. FIFA hakim hesabatlarını və oyunun videogörüntülərini təhlil edərək mümkün intizam tədbirləri barədə qərar verəcək.
Hadisədən sonra Argentina millisinin məşqçilər korpusunun üzvü Roberto Ayala davranışına görə üzr istəyib. O bildirib ki, emosiyalarına hakim ola bilməyib və Dani Olmo ilə yaşanan insidentə görə şəxsən üzr istəməyə hazırdır. Ayala İspaniyanın finalda qələbəyə layiq olduğunu da vurğulayıb.
FIFA araşdırmanın yekunları ilə bağlı qərarın müstəntiqin hesabatı tamamlandıqdan sonra açıqlanacağını bildirib.
Mənbə: Reuters