Filippini təsir altına alan Butchoy və Carina tropik siklonları nəticəsində ölənlərin sayı 48-ə yüksəlib.
Ölkənin Milli Fəlakət Riskinin Azaldılması və İdarəetmə Şurası (NDRRMC) qasırğalardan təxminən 6,22 milyon insanın zərər çəkdiyini və 8574 binanın zədələndiyini açıqlayıb.
Qeyd edilib ki, Butchoy və Carina tropik siklonları nəticəsində ölənlərin sayı 48-ə çatıb, qasırğalardan zərər çəkən təxminən 36 min insan təxliyə mərkəzlərinə göndərilib.
İyulun sonundan etibarən qüvvədə olan Butchoy və Carina tropik siklonları ölkə daxilində həddindən artıq yağışa, daşqınlara və sürüşmələrə səbəb olub.
Ölkənin əksər bölgələrində baş verən sel və torpaq sürüşmələri səbəbindən bir çox yollar müvəqqəti olaraq nəqliyyatın hərəkətinə bağlanıb, 118 əyalət və rayonda “fəlakət vəziyyəti” elan edilib.
Mənbə: İLKHA