Bugun.tv xəbər verir ki, hökumətin qərarına əsasən, dərman istehsalçıları apteklərə gündəlik istifadə edilən cenerik, yəni tərkibində kimyəvi maddə olan dərmanlar üzrə verilən endirimləri 40 faizdən 20-25 faizə endirəcəklər. Bu da apteklərin mənfəət gəlirlərinin kəskin azalması deməkdir. Tətilin genişmiqyaslı olacağı gözlənilir. Belə ki, bəzi əczaçılar məcburi xidmətlə əlaqədar işləyəcəklər. Lakin onlar xüsusi sarğı taxaraq etiraz etdiklərini bildirəcəklər. Əczaçılar ölkənin Baş naziri Fransua Bayruya da narazılıqlarını bildiriblər. Onların fikrincə, bu qərar səhiyyə naziri ilə razılaşdırılmadan qəbul olunub və dərman sənayesi şirkətləri üçün “hədiyyə”dir. Etirazçılar “yaşıl jilet” hərəkatına başlayacaqlarını da bildiriblər. Məqsəd isə kənd və şəhər kənarındakı apteklərin bağlanmasının qarşısını almaqdır.
Fransada əczaçılar tətil elan etdilər
