Bugun.tv xəbər verir ki, Fransanın cənubunda yağlı toxum emalı müəssisəsində partlayış baş verib, bir nəfər ağır yaralanıb.
Hadisə yerli vaxtla saat 15:00 radələrində Fransanın Sete liman şəhərindəki “Saipol” şirkətinin yağlı toxum emalı müəssisəsində baş verib. Obyektdən güclü tüstü qalxıb və az sonra yanğın başlayıb.
Herault vilayət qubernatorluğundan verilən açıqlamada, 1 işçinin ağır yaralanaraq xəstəxanaya yerləşdirildiyi, 200-ə yaxın insanın təxliyə edildiyi bildirilib.
Obyektdəki yanğın 1 saatlıq işdən sonra nəzarətə götürülüb.