Son xəbərlər… Argentinada şəhərətrafı qatarın dayanmış digər qatara çırpılması nəticəsində 60 nəfər xəsarət alıb. Qəza ilə bağlı genişmiqyaslı araşdırma başladılıb.
Təcili Tibbi Yardım Sistemi (SAME) tərəfindən edilən açıqlamada, paytaxt Buenos Ayresin Palermo rayonunda körpüdə hərəkət edən qatarın dayanmış digər qatara çırpıldığı bildirilib.
Çox sayda axtarış-xilasetmə qrupunun sövq edildiyi qəza bölgəsində 30-u ağır olmaqla 60 nəfər yaralanıb. Vəziyyəti ağır olan sərnişinlərdən bəziləri helikopterlə digər xəstəxanalara aparılıb. Yerli KİV-in məlumatına görə, şəhərətrafı qatar dayanacaqda olan və təmirdə olan qatarın vaqonlarına çırpılıb. Qəza ilə bağlı genişmiqyaslı araşdırma başladılıb.
Mənbə: Ahaber