Bugun.tv xəbər verir ki, Cənubi Koreyanı təsir edən isti dalğası nəticəsində ölənlərin sayı 23-ə yüksəlsə də, Seul hökumətinin həddindən artıq istilərlə bağlı etdiyi xəbərdarlıq ən yüksək səviyyədə “ciddi” olaraq davam edir. Ölkədə həddindən artıq istilər nəticəsində həyatını itirənlərin sayı 23-ə yüksəlib ki, bu da 2022-ci ildəki istilər nəticəsində ölənlərin sayından təxminən 3 dəfə çoxdur. Bu arada, Seul hökumətinin isti dalğası ilə bağlı ən yüksək xəbərdarlığı “ciddi” səviyyədə qalır. 2019-cu ildən bəri ilk dəfə ölkədə “ciddi” xəbərdarlıq edilib. İyulun 29-30-da Cənubi Koreyada havanın temperaturunun 35 dərəcəyə çatması, mövsümi normaları aşması səbəbindən 17 nəfər həyatını itirib, 73 nəfər günvurma şikayəti ilə xəstəxanalara müraciət edib. Cənubi Koreya Meteorologiya İdarəsi isti dalğasının təsirini davam etdirəcəyi barədə xəbərdarlıq etmişdi.
Müxbir: İntizar Əmirova
Mənbə: TRT Haber