Bugun.tv xəbər verir ki, alimlər nəfəsalma ilə beynin fəaliyyəti arasında əvvəllər düşünüldüyündən daha güclü əlaqə olduğunu müəyyən ediblər.
Наука Mail-in 1 sentyabr tarixli məlumatına görə, araşdırma zamanı beynin yalnız insanın nə qədər tez-tez nəfəs almasına deyil, hər nəfəsin ritminə və hava axınının necə dəyişməsinə də reaksiya verdiyi müəyyənləşdirilib.
Alimlər nəfəsalma zamanı yaranan hava axınını və beynin elektrik aktivliyini müqayisə ediblər. Məlum olub ki, nəfəsalma ritmindəki dəyişikliklərlə beyindəki elektrik aktivliyi arasında uyğunluq var.
Tədqiqatçılar hesab edirlər ki, bu nəticələr nəfəsalmanın beynin işində mühüm rol oynadığını göstərir. Bu əlaqənin gələcəkdə yaddaş, diqqət və digər beyin funksiyalarının daha yaxşı öyrənilməsinə kömək edə biləcəyi düşünülür.
Alimlərin fikrincə, insanın nəfəs alması yalnız orqanizmi oksigenlə təmin edən proses deyil, həm də beynin fəaliyyətinə təsir göstərən mühüm mexanizmlərdən biri ola bilər.
Mənbə: Mail.ru