25 C
Baku
21 İyul 2024, 5:03
Dünya

Hava limanının damı uçub: Çoxlu sayda ölü və yaralı var

Hindistanda dəhşətli qəza!

Hindistanın paytaxtı Yeni Dehlinin İndira Qandi (Dehli) Beynəlxalq Hava Limanında leysan yağışlar nəticəsində 1 saylı Terminalın damının uçması nəticəsində çoxlu sayda ölən və yaralananların olduğu bildirilib. Bir çox reyslər ləğv edilib.

Hindistanın paytaxtı Yeni Dehlidə güclü yağış və tufan həyatı iflic edib. Paytaxt küçələri su altında qalarkən, İndira Qandi (Dehli) Beynəlxalq Hava Limanında daxili reyslərin həyata keçirildiyi Terminal 1-in damı avtomobillərin üzərinə uçub. Ən azı 4 avtomobilə ziyan dəysə də, 1 nəfər ölüb, 8 nəfər yaralanıb.

Hindistanın Mülki Aviasiya naziri Kinjarapu Rammohan Naidu verdiyi açıqlamada uçuşların yerli vaxtla saat 14:00-a qədər dayandırıldığını bildirib. Nazir Naidu ölkənin ən işlək hava limanındakı bütün terminalın boşaldıldığını və hadisə ilə bağlı araşdırma başlandığını bildirib.

Dehli Xilasetmə Xidmətinin rəisi Atul Qarq yaralıların xəstəxanaya aparıldığını və xilasetmə əməliyyatının tamamlandığını bildirib. Flightradar24 uçuş izləmə platformasının məlumatlarına görə, ən azı 10 reys ləğv edilib, 40 reys gecikib.

Mənbə: TGRT

Aynur Camal

Oxşar xəbərlər

Bosniya və Herseqovinanın Konstitusiya Məhkəməsində serb hakim qalmadı

İntizar Əmirova

Zelenski: Mən hesab etmirəm ki, indi seçkilər üçün uyğun vaxt deyil

İntizar Əmirova

ABŞ İraqda əməliyyat keçirib, İrana yaxın hərəkatın liderlərindən biri öldü

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu