Bugun.tv xəbər verir ki, övladı Ahmet Tatlı ilə problemlərini məhkəmə yolu ilə həll edən İbrahim Tatlısəsin həyatında baş verənlər bitmir. Nəvəsinə qarşı qaldırdığı iddiada haqlı çıxan məşhur müğənni qonağı olduğu verilişdə oğlundan şikayətlənib.
Qeyd edək ki, Tatlısəsin böyük oğlu Ahmet Tatlı atasının psixi sağlamlığından narahat olduğunu bildirib və ona qəyyum təyin etmək üçün məhkəməyə müraciət edib. Tatlısəs oğluna sərt reaksiya verib. Bu dava ilə ata-oğul arasında əlaqələr tamamilə qırılıb. Belə ki, müğənni Əhməd Tatlının oğlu Mertin onun razılığı olmadan 6 ildir Sarıyerdəki mənzilini haqsız yerə zəbt etdiyini iddia edərək qanuni addım atıb. Məhkəmə iki ildir davam edən işdə Tatlısəsin xeyrinə qərar çıxarıb. Bununla da, Mert Tatlı babasına məxsus mənzili boşaldacaq və ona 370 min 346 TL təzminatı ödəyəcək.