Çexiyada neft-kimya fabrikinin ərazisində İkinci Dünya Müharibəsindən qalma 250 kiloqramlıq partlamamış bomba tapıldıqdan sonra fabrik ətrafında 6 gün müddətində təhlükəsizlik perimetri yaradılıb.
Çexiyanın Usti nad Labem bölgəsindəki Zaluzi şəhərində Orlen Unipetrol şirkətinin neft-kimya fabrikinin ərazisində aparılan qazıntı işləri zamanı İkinci Dünya Müharibəsindən qalma 250 kiloqramlıq partlamamış bomba aşkar edilib.
Səlahiyyətlilər fabrikin ətrafında 6 günlük təhlükəsizlik perimetri təyin edib.
Fabrikin neft emalı zavodu “sonrakı xəbərdarlığa qədər” bağlandığı halda, 227 işçi istehsalın nəzarətli və təhlükəsiz şəkildə dayandırılmasını təmin etmək üçün fəal işləməyə davam edir.
Bildirilib ki, zavodun neft-kimya şöbəsi hələlik fəaliyyətini davam etdirir. Polis, “250 kq ağırlığında olan bomba avqustun 27-nə qədər yerində qalacaq. Böhran qrupu indi növbəti fəaliyyət planı ilə bağlı qərar vermək üçün toplanır” deyib.
Bildirilib ki, çexiyalı partlayıcı mütəxəssislər “kimyəvi gecikdirici tetikler olan hava bombalarının tapılmasında daha çox təcrübəsi olan alman həmkarları” ilə məsləhətləşiblər.
İkinci Dünya Müharibəsində Çexoslovakiyanı işğal edən nasistlərin istifadə etdiyi fabrik 1944-cü ildə müttəfiqlər tərəfindən hədəfə alınıb.
Xəbər mənbəyi: İhlas Xəbər Agentliyi