Mütəxəssislər səhər infarktını artıran bəzi risk faktorlarını aşkarlayıblar.
Bugun.tv xəbər verir ki, hər gün minlərlə insan bu səbəbdən dünyasını dəyişir. Ürək böhranının bir çox səbəbi ola bilər – genetik faktorlar, qidalanma, pis vərdişləri və sair. Hər bir detal çox önəmlidir. Erkən müdaxilə sayəsində insanı xilas etmək olar.
Bəzi hallarda əlamətlər infarktın erkən xəbərdaredicisi ola bilər. Harvard Tibb Məktəbinin tədqiqatçıları səhərlər infarkt keçirmənin 20 faiz ölümlə nəticələndiyini məyyən ediblər. Professor Srinath Reddy xəbərdar edir ki, müəyyən vərdişlər bu riski artıra bilər. “İnsan yaxşı yatmırsa, susuz qalırsa və məşq edirsə, bu, ürəkdə böyük bir laxtanın meydana gəlməsinə səbəb olur. Buna görə də, səhər saatlarında infarkt riski ilə mübarizə aparmağın iki yolu var – yaxşı yuxu almaq və səhər idmanını gecikdirmək”.
ABŞ Xəstəliklərə Nəzarət və Qarşısının Alınması Mərkəzləri (CDC) izah edir ki, hər gecə yeddi saatdan az yatan böyüklərin ürəklə bağlı sağlamlıq problemləri riski daha yüksəkdir.Çevik iş qrafiki olanlara da günortadan sonra məşq etmələri və ya səhər yüngül idmana başlamaları tövsiyə olunur.Yüksək intensivlikli məşq, qan dövranı hesabına ürəyin dayanması və ya ölüm riskini kəskin şəkildə artıra bilər.