Bugun.tv xəbər verir ki, Böyük Britaniyada ölkənin Avropa İttifaqına yenidən qoşulmasını dəstəkləyənlərin göstəricisi Brexit referendumundan sonra ən yüksək səviyyəyə çatıb.
The Independent-in yazdığına görə, Best for Britain təşkilatının sifarişi ilə YouGov tərəfindən 11 927 seçici arasında keçirilən araşdırmada respondentlərin 35 faizi hökumətin Aİ üzvlüyünü bərpa etməsini ən üstün siyasət seçimi kimi göstərib. Hazırkı hökumətin Aİ ilə daha yaxın münasibət qurmasını dəstəkləyənlərin payı 18 faiz, birliklə əlaqələrin daha da zəiflədilməsini istəyənlərin payı isə 11 faiz olub.
Araşdırma Böyük Britaniyada Şimali İrlandiya istisna olmaqla 632 parlament seçki dairəsini əhatə edib. Nəticələrə əsasən, dörd seçki dairəsi istisna olmaqla, bütün dairələrdə Aİ-yə yenidən üzvlük ən çox seçilən variant olub.
The Independent həmçinin qeyd edir ki, ayrıca sorğularda britaniyalıların 61 faizinin ölkənin Aİ-yə yenidən qoşulmasına səs verəcəyini bildirməsi də rekord göstərici sayılır.
Bununla belə, Britaniya hökuməti hazırda Aİ ilə daha yaxın münasibətlər qurmağa çalışdığını, lakin üzvlüyün bərpasının gündəmdə olmadığını bildirir.
Mənbə: Trt.haber