İngiltərədə insult müalicəsində həyati əhəmiyyət daşıyan mexaniki trombektomiya xidmətini hələ də tam şəkildə 24/7 rejimdə təmin edə bilmir.
Məlumata görə, İngiltərədəki 24 insult mərkəzindən 7-si hökumətin vədlərinə baxmayaraq, gecə-gündüz işləyən trombektomiya xidmətinə keçidi tamamlamayıb.
Bu prosedur ağır insult zamanı beyində yaranan qan laxtasının xüsusi kateter vasitəsilə çıxarılması və xəstənin həyatının xilas edilməsi üçün istifadə olunur.
Mütəxəssislər bildirirlər ki, bu xidmətin vaxtında göstərilməsi xəstənin ömürlük əlil qalmasının və ya ölüm riskinin qarşısını ala bilər. Lakin bəzi regionlarda iş saatlarından kənar bu müalicəyə çıxışın olmaması “poçt indeksi lotereyası” kimi qiymətləndirilir.
Birləşmiş Krallıq səhiyyə sistemində ildə 100 mindən çox insan insult keçirir və on minlərlə insan həyatını itirir və ya ciddi əlilliklərlə yaşayır.
Məlumata görə, Hull, Leeds, Sheffield, Newcastle və Brighton daxil olmaqla bir neçə bölgədə xidmət 24/7 rejiminə keçid edə bilməyib və bəzi xəstələr təcili hallarda digər şəhərlərə yönləndirilir.
Həkimlər bildirirlər ki, mexaniki trombektomiya insultun ən effektiv müalicə üsullarından biri hesab olunur, lakin işçi qüvvəsi çatışmazlığı və resurs problemi səbəbindən bütün ölkə üzrə eyni səviyyədə əlçatan deyil.
Səhiyyə rəsmiləri isə əlavə maliyyə ayrıldığını və xidmətin genişləndirilməsi üçün işlərin davam etdiyini açıqlayıblar.
Ekspertlər xəbərdarlıq edirlər ki, 24/7 xidmətin tam təmin olunmaması gecə və həftəsonu insult keçirən xəstələr üçün ciddi risk yaradır və bərabər səhiyyə xidmətinə çıxış problemini daha da dərinləşdirir.
Mənbə: The Guardian