İranın müdafiə naziri Əziz Nasserzadə bəyan edib ki, ölkəyə edilən istənilən hücum ABŞ-ın bölgədəki bazalarını və maraqlarını hədəfə alacaq.
İranın müdafiə naziri Əziz Naserzadə ABŞ-ın müdafiə naziri Pit Heqsetin Yəməndə husilərə dəstək verdiyinə görə İrana hərbi hücum təşkil etmək təhdidlərinə cavab verib.
Yəməndəki husilərin müstəqil olduqlarını və öz qərarlarını verdiyini müdafiə edən Nəsirzadə, “Bu məsələnin İranla heç bir əlaqəsi yoxdur. ABŞ-a tövsiyə edirik ki, bölgədə böhran yaratmağa çalışmasın. Çünki Qırmızı dənizdə Amerika təyyarəsinin gəmidən vurulmasına görə İran məsuliyyət daşımır”.
İranın müharibəyə başlamadığını və başlamayacağını deyən Nəsirzadə, “İrana hücum olarsa və ya müharibə elan olunarsa, biz sərt cavab verəcəyik. Əgər bu müharibə ABŞ və ya sionist rejimdən (İsrail) qaynaqlanırsa, İran onların maraqlarına, bazalarına və qüvvələrinə hücum edəcək” deyib.
Ölkəsinin bölgədəki qonşularını dost hesab etdiyini bildirən Nəsirzadə, “Qonşu ölkələrlə düşmənçiliyimiz yoxdur və aramızda qardaşlıq hökm sürür, lakin İrana hücum olacağı təqdirdə region ölkələrindəki Amerika bazaları hədəfimiz olacaq” deyib.
“İRANA MESAJ”
Heqseth “İrana mesaj” başlıqlı mesajında ”Husilərə ölümcül dəstəyinizi görürük. Biz sizin nə etdiyinizi dəqiq bilirik. Siz ABŞ ordusunun nə edə biləcəyini çox yaxşı bilirsiniz və sizə xəbərdarlıq edilib. Bunun nəticələrini bizim seçdiyimiz vaxt və yerdə ödəyəcəksiniz” deyib.
Bu təhdiddən sonra iki ölkə arasında mayın 3-də Romada keçiriləcək danışıqların təxirə salındığı açıqlanıb.
Xatırladaq ki, İran danışıqların logistik səbəblərə görə təxirə salındığını açıqlamışdı.
Mənbə: EnSonHaber