İran İslam Respublikasına məxsus hərbi təyyarə Azərbaycan-İran sərhədi boyunca Zəngilandan Biləsuvar rayonu və əks istiqamətdə fasiləsiz uçuş həyata keçirib. Təyyarə sərhəddən təqribən 3-5 km aralıda, bəzi hallarda isə birbaşa sərhəddən yuxarı uçub.
Bugun.tv xəbər verir ki, bu barədə Xarici İşlər Nazirliyi məlumat yayıb.
İranın Bakıdakı səfiri Seyid Abbas Azərbaycanın Xarici İşlər nazirliyinə çağırılıb və ona etiraz notası təqdim edilib.
Sənəddə deyilir:
“Dövlət sərhədinə yaxınlaşan və sərhəd xətti üzərində uçan hərbi təyyarə mülki aviasiyanın təhlükəsizliyinə təhdid yaradır və ikitərəfli gərginliyin daha da artmasına töhfə verir.”
“Hərbi təyyarənin işğaldan azad edilmiş Azərbaycan əraziləri üzərində yarım saatdan çox davam edən növbəsi Azərbaycana qarşı təxribat və qeyri-dost davranışdır”, – sənəddə deyilir.
Azərbaycan nazirlikləri İran tərəfini izahat verməyə və gələcəkdə belə təxribat xarakterli hərəkətlərdən çəkinməyə çağırıb.
