Bugün.tv xəbər verir ki, “Shusha Chess – 2022” turnirində kişilərin mübarizəsində İran təmsilçisi Parham Maqsudlu ikinci yeri tutub. O, Şuşada keçirilən şahmat yarışında iştirak etdiyi üçün çox şad olduğunu və dəvətə görə təşkilatçılara minnətdarlığını bildirib.
“Nəticələrimdən, ikinci yeri tutmağımdan razıyam. Unutmayaq ki, Şəhriyar Məmmədyarov kimi güclü şahmatçı qalib oldu. Bu səbəbdən ikinci olmağı yaxşı nəticə hesab edirəm. Ümid edirəm ki, yenidən bu turnirdə iştirak etmək imkanım olacaq” deyən 22 yaşlı qrossmeyster çox güclü yarış izlədiyini diqqətə çatdırıb.