Dünya

İsrail Cenini də vurdu

İsrail Qərb Şəriyəsini havadan vurdu! Çoxlu ölü və yaralananlar var.

İsrail ordusunun döyüş təyyarəsi ilə işğal altındakı İordan çayının qərb sahilinin şimalında Ceninə təşkil etdiyi hücumda 1 fələstinlinin şəhid olduğu, 8 nəfərin yaralandığı bildirilib.

İsrail ordusu verdiyi açıqlamada İordan çayının qərb sahilinin şimalında Fələstin silahlı müqavimət qruplarının yerləşdiyi Cenin bölgəsinə “döyüş təyyarəsi” ilə hücum etdiyini açıqlayıb.

Fələstin Səhiyyə Nazirliyi hücumda bir fələstinlinin öldüyünü, 8 yaralının isə bölgədəki xəstəxanalara aparıldığını açıqlayıb.

Cenin Qaçqınlar Düşərgəsində baş verən güclü partlayışın görüntüləri sosial mediada paylaşılıb.

7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə İsrail əsgərləri və qeyri-qanuni yəhudi məskunlaşanların hücumları nəticəsində həyatını itirən fələstinlilərin sayı 505-ə yüksəlib.

İsrail ordusu Qəzza zolağına hücuma başladığı 7 oktyabr 2023-cü ildən Qərbin şimalında Fələstin silahlı müqavimət qruplarının yerləşdiyi Tulkərim və Cenin kimi şəhərlərə günlərlə mühasirə və basqınlar həyata keçirir.

İsrailin mülki infrastrukturu məhv etdikdən sonra geri çəkildiyi reydlər zamanı da mülki əhali arasında itkilər baş verir. Xüsusilə oktyabrın 7-dən sonra Fələstin silahlı qruplarının arxasınca getmək bəhanəsi ilə işğal altındakı İordan çayının qərb sahilində pilotsuz uçuş aparatı (PUA) hücumlarına əl atan İsrail ordusu, işğal altındakı İordan çayının qərb sahilində döyüş təyyarələrindən istifadə etdiyini normal olaraq açıqlamır.

Mənbə: Ahaber

Aynur Camal

Oxşar xəbərlər

Rusiyadakı “Vostok-2022” beynəlxalq təlimlərinə Azərbaycan hərbçiləri də qatılacaqlar  

Aynur Camal

Pensiya yaşı 64 oldu

Bugün TV

Rusiya “Vahid Çin” prinsipinə sadiqliyini bir daha təsdiqlədi

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu