Qəzzanı blokadaya alan işğalçı İsrail ordusu ilk dəfə Livanın cənubundakı Sur sahil şəhəri yaxınlığında hava hücumu həyata keçirib.
İsrail ordusu ilk dəfə Livanın cənubundakı bir bölgəyə hücum edib. Livanın rəsmi agentliyi NNA-nın məlumatına görə, İsrail ordusunun döyüş təyyarələri Sur şəhərinin şimal giriş yolunda yerləşən Şabriha kəndinə ardıcıl iki dəfə hücum edib.
NNA başqa bir xəbərdə, hücumda Şabriha ilə Burqaliye qəsəbəsi arasındakı sahil bölgəsində yerləşən üç mərtəbəli binanın hədəf alındığını bildirib.
Hücumla bağlı ölən və yaralananlar barədə məlumat paylaşılmayıb.
Livan mediasının dərc etdiyi görüntülərdə hava hücumunun Sur şəhərinə çox yaxın məsafəni hədəf aldığı və şəhərin şimal girişindən təxminən 3 kilometr uzaqlıqdakı kənddən tüstünün qalxdığı görülüb.
Mənbə: TGRT