Dünya

İsrail Rəfahda bir evə hücum etdi

İsrailin Qəzza zolağının cənubundakı Rəfah şəhərində bir evə endirdiyi hava hücumunda 4-ü uşaq olmaqla 7 fələstinli həyatını itirib.

Yerli mənbələrdən alınan məlumata görə, İsrail ordusuna aid döyüş təyyarələri Rəfahın Ez-Zuhur rayonunda fələstinli Şahin ailəsinin evinə hava hücumu həyata keçirib.

Hücum zamanı 4-ü uşaq, 1-i qadın olmaqla 7 fələstinlinin həyatını itirdiyi, bəzilərinin isə yaralandığı bildirilib.

İsrailin baş naziri Binyamin Netanyahunun Rəfaha hücum edəcəkləri ilə bağlı bəyanatından sonra İsrail ordusunun Qəzza zolağının cənubunda yüz minlərlə köçkünə ev sahibliyi edən Rəfah şəhərinə hava hücumları artıb.

Netanyahu aprelin 30-da verdiyi açıqlamada əsir mübadiləsi razılaşmasının olub-olmamasından asılı olmayaraq Rəfaha hücum edəcəklərini bildirib.

İsrailin 7 oktyabrdan bəri Qəzza zolağına təşkil etdiyi hücumlarda ən az 14 min 685-i uşaq, 9 min 670-i qadın olmaqla, 34 min 596 fələstinli həlak olub, 77 min 816 nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Mənbə: TrtHaber

İntizar Əmirova

Oxşar xəbərlər

Pantsir sisteminin işləməsi Yaxın Şərqdə heyranlıq qazanır

Bugün TV

Nyu Yorkda mühacirlərin sığınacaqda qalma müddəti məhdudlaşdırıldı – FOTO

Kəmalə Sultan

İsrail ordusu Qəzza zolağındakı döyüş bölgəsindən təxliyə planını təqdim etdi

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu