İsrail ABŞ prezidenti Donald Trampın İranla hərbi əməliyyatları dayandırmaq təşəbbüsünü qəbul edib. Bunu İsrail baş nazirinin ofisinin müşaviri Dmitri Gendelman deyib.
Gendelmanın sözlərinə görə, İranın nüvə proqramı və ballistik raketlərlə bağlı “ekzistensial ikili təhlükə” aradan qaldırılıb. O, həmçinin bildirib ki, İsrail Müdafiə Qüvvələri “Tehranın hava məkanına tam nəzarəti ələ keçirib”.
İDF “İranın ali hərbi komandanlığına sarsıdıcı zərbə” vurdu. İddia edilir ki, İsrail ordusu son 24 saat ərzində “terror rejiminin repressiv aləti olan yüzlərlə Bəsic yaraqlısını” və “daha bir nüvə proqramı üzrə yüksək səviyyəli mütəxəssisi” məhv edib.
Bəyanatda vurğulanır ki, İsrail prezident Trampa minnətdarlığını bildirir. “Əməliyyatın strateji məqsədlərinə nail olunması ilə əlaqədar olaraq və prezident Trampla tam razılıq əsasında İsrail onun ikitərəfli atəşkəs təşəbbüsünü qəbul edib”. Eyni zamanda, müşavirin bəyanatında vurğulanır ki, İsrail İran tərəfindən atəşkəs şərtlərinin hər hansı pozulmasına “son dərəcə qətiyyətlə” cavab verəcək.
Mənbə: mail.ru