ABŞ-ın Nyu-Hempşir ştatının sahillərində donqar balina kiçik balıqçı gəmisini aşırıb. Bu zaman qayıqda olan 2 dənizçinin qorxulu anları həvəskar kameraya əks olunub.
ABŞ-ın Nyu-Hempşir əyaləti sahillərində donqar balina göyərtəsində qorxmuş iki dənizçinin olduğu kiçik balıqçı gəmisini aşırıb. Çərşənbə axşamı günü Portsmut şəhəri yaxınlığında suları şumlayan iri məməli həvəskar kameralara tuş gəlib. Qorxunc kadrlarda heyvanın burnunu kiçik qayığın arxasına vuraraq gəmidəki iki nəfəri suya saldığı görünür. Qayığın batmağa və çevrilməyə başlamazdan əvvəl su üzərində yan üstə üzdüyünü görmək olar. Başqa bir şəkildə, gəminin yaxınlıqdakı başqa bir balıqçı tərəfindən çəkildiyi görünür.
Qayıqda olan hər kəsin xəsarət almadan xilas olduğu bildirilib. Hadisənin dəqiq nə vaxt baş verdiyi bəlli olmasa da, görüntülər ilk olaraq çərşənbə axşamı günortadan sonra sosial mediada yayılıb.
ABŞ-da yerləşən xəbər agentliklərinin məlumatına görə, təxminən 2 yaşında olduğu düşünülən donqar balina keçən həftə Men və Nyu-Hempşir ştatlarının sərhədi ətrafında müşahidə edilib.
Donqar balinanın qayığa yaxınlaşmasına nəyin səbəb olduğu hələ də aydın deyil. Orcaların qayıqlara hücum etdiyi bilinsə də, donqar balinalar adətən qəzəbli və ya təhdid hiss etməkdənsə, sadəcə maraqlı olduqları zaman qayıqlara yaxınlaşırlar.
Mənbə: TGRT