Bugun.tv xəbər verir ki, Kia 2019-2023-cü illər arasında istehsal etdiyi 427 min 407 Telluride SUV modelini geri çağırmaq qərarına gəlib.
Milli Avtomobil Yolları Hərəkətinin Təhlükəsizliyi İdarəsinin məlumatına görə, bu avtomobillərdə ara və sağ ön şaft düzgün quraşdırılmayb. Buna görə də maşın parka yerləşdirildikdən sonra əl əyləci çəkilmədikdə o irəli və ya geri hərəkət edir.
Kia mayın 15-də geri çağırılma ilə bağlı avtomobil sahiblərini xəbərdar edəcək.
Şirkət bu avtomobillərə parketmə zamanı və mühərrik sönəndə dayanacaq əyləcini işə salan yenilənmiş elektron əyləc proqramı ilə təchiz olunacaq.
Qeyd edək ki, son zamanlar istehsalçılar avtomobillərində baş verən müxtəlif problemlər səbəbindən vaxtaşırı geriçağırmalar edirlər.
Müxbir: Şəms Elnurqızı