Bugun.tv-nin əldə etdiyi məlumata əsasən, Cənubi Koreya və ABŞ-ın kibertəhlükəsizliklə bağlı işçi səviyyəsində danışıqlar aparacağı açıqlanıb.
Yonhap xəbər agentliyinin məlumatına görə, Cənubi Koreya Müdafiə Nazirliyinin bəyanatında bildirilib ki, baş direktorluq səviyyəsində nümayəndələrin qatılacağı 8 sessiyalı Kiber Əməkdaşlıq İşçi Qrupu (CCWG) cari ayın 8 və 9- da keçiriləcək.
Açıqlamaya görə, iki ölkə danışıqlar zamanı kibertəhlükəsizlik siyasəti, kiber təhdidlər və kibertəhlükəsizlik təhsilinin gücləndirilməsi kimi məsələləri müzakirə edəcək.
Xatırladaq ki, Cənubi Koreya və ABŞ arasında kibertəhlükəsizlik məsələsini müzakirə etmək üçün Kiber Əməkdaşlıq İşçi Qrupu 2014-cü ildə yaradılıb.
Mənbə: Yonhap xəbər agentliyi