Cəmiyyətin inkişaf səviyyəsi onun ən zəif, ən müdafiəsiz üzvlərinə – uşaqlara, xüsusilə də kimsəsiz uşaqlara göstərdiyi qayğı ilə ölçülür. Azərbaycan səhiyyəsinin parlaq simalarından biri olan akademik Zərifə Əliyeva bu mənada təkcə oftalmologiya sahəsindəki nailiyyətləri ilə deyil, həm də yüksək humanist keyfiyyətləri ilə yadda qalıb. Onun kimsəsiz uşaqlara göstərdiyi xüsusi diqqət və tibbi yardımlar, bu gün də bir örnək kimi yaddaşlarda yaşayır.
Zərifə xanım Əliyeva öz tibb fəaliyyəti dövründə yalnız laboratoriyalarda çalışmaqla kifayətlənməmiş, xəstəliyin kökünü araşdırmaq üçün Azərbaycanın müxtəlif şəhər və rayonlarını dolaşmış, xüsusilə uşaq evlərində yayılan traxoma infeksiyasına qarşı kompleks tədbirlər həyata keçirmişdir. O dövrdə müalicəsi çətin olan bu xəstəliyin qarşısının alınması üçün göstərdiyi səylər, minlərlə uşağın sağlam gələcəyə qovuşmasına səbəb olmuşdur.
Zərifə xanımın humanist yanaşması təkcə həkimlik fəaliyyəti ilə məhdudlaşmırdı. O, həm də qayğıkeş ana, vəfalı həyat yoldaşı və dərin mənəviyyat sahibi kimi tanınırdı. Ömrünü yalnız elmə deyil, eyni zamanda cəmiyyətə, insana, xüsusilə də müdafiəsiz uşaqlara xidmətə həsr edən bu böyük şəxsiyyətin həyatı Azərbaycan gəncliyi üçün dəyərli bir örnəkdir.
Akademik Zərifə Əliyevanın irsi sübut edir ki, elm və mərhəmət bir araya gələndə insanlıq qazanır. Kimsəsiz uşaqlara verilən diqqət yalnız bir həkimin deyil, bütün cəmiyyətin mənəvi borcudur. Bu borcu isə zamanında böyük ləyaqət və peşəkarlıqla yerinə yetirənlərdən biri məhz Zərifə xanım Əliyeva olmuşdur. Akademik Zərifə Əliyevanın irsi sübut edir ki, elm və mərhəmət bir araya gələndə insanlıq qazanır. Kimsəsiz uşaqlara verilən diqqət yalnız bir həkimin deyil, bütün cəmiyyətin mənəvi borcudur. Bu borcu isə zamanında böyük ləyaqət və peşəkarlıqla yerinə yetirənlərdən biri elə məhz Zərifə xanım Əliyeva olmuşdur.
Rəvanə Kərimova, Nəsimi rayon gənci.