Bugun.tv xəbər verir ki, Rodos adasında bir həftə əvvəl başlayan meşə yanğını nəzarətsiz şəkildə yayılmağa davam edərkən, Yunanıstanın Korfu adasında meşə yanğınının çıxdığı bildirilib. Yunanıstan Yanğından Mühafizə Xidmətindən verilən açıqlamada axşam saatlarında başlayan yanğınla əlaqədar 12 yaşayış məntəqəsinin boşaldıldığı bildirilib. Yanğından zərər çəkmiş bölgələrdə qalan turistlərin Kasiopi kəndinə aparıldığı qeyd edilib. Səlahiyyətlilər Yunanıstanda 82 meşə yanğınının baş verdiyi məlumatını paylaşıb.
Müxbir: Şəms Elnurqızı