Rusiya rəsmiləri Ukrayna müharibəsi fonunda NATO ilə münasibətlərin təhlükəli mərhələyə daxil olduğunu açıqlayıb. Kremlin sözçüsü bildirib ki, Qərbin Ukraynaya verdiyi hərbi dəstək və NATO-nun Şərqi Avropadakı fəallığı regionu ciddi qarşıdurma riski ilə üz-üzə qoyur. Xüsusilə Qara dəniz bölgəsində gərginlik son günlər daha da artıb.
Eyni zamanda Ukraynanın cənubunda yerləşən Odesa şəhəri intensiv hücumlara məruz qalıb. Yerli hakimiyyətin məlumatına görə, hücumlar enerji infrastrukturu və liman obyektlərini hədəf alıb. Bu isə təkcə Ukrayna üçün deyil, beynəlxalq ticarət və təhlükəsizlik baxımından da narahatlıq doğurur.
Analitiklər hesab edirlər ki, NATO ilə Rusiya arasında birbaşa hərbi toqquşma ehtimalı hələ də aşağıdır, lakin tərəflər arasındakı sərt ritorika riski artırır. Avropa İttifaqı isə münaqişənin diplomatik yollarla həllinin vacibliyini bir daha vurğulayıb.
Mənbə: İndependent.Co